Gipahigayon niadtong adlawng
Martes, Septembre 24, ang pormal nga groundbreaking ceremony alang sa ipatukod
nga regional office building sa Professional Regulation Commission kon PRC sa
Regional Government Complex didto sa Brgy. Balintawak, ning siyudad sa
Pagadian.
Personal kini nga gitambongan
sa amahan sa lalawigan, Governor Victor J. Yu ug Mayor Sammy Co sa Pagadian, kauban
sa Regional Director nga si Sharo Lo ug mga miembro sa Pagadian Regional Center
Management and Coordinating Office.
Giisip ni Gov. Victor Yu nga
dako ug katabang ang bag-ong edipisyo nga dili lamang sa tibuok probinsya kondili
sa mga silingang dapit nga mokuha unya sa ilang mga dokumento sa nasangpit nga
ahensya.
Gikalipay usab ni Mayor Co ang
pagasugdan pagtukod nga regional office sa PRC sa dakbayan diin iyang gipamahayag
ang kontribusyon sa administrasyon ni President Rodrigo Duterte alang sa
katumanan niini.
Matud pa sa mayor nga nagpasalamat
siya sa suporta sa national government sa local nga pangagamhanan alang sa
pagpalit ug lote nga gidonate sa mga regional offices inubanan sa pondo alang
sa pagtukod sa mga opisina sa rehiyon.
Ang bag-ong building sa PRC usa
ka bag-ong development sa siyudad diin gilantaw nga makahatag ug nindot nga
pagserbisyo sa tanang katawhan nga mo-apply ug licensure exams apil na ang
pagkuha sa mga professional licenses gikan sa nagkalain-laing dapit sa Rehiyon
9.
Ang building project nagkantidad ug
P109,481,958 nga gikuha gikan sa pondo sa DPWH base sa General Appropriations
Acts ilalom sa multi-purpose buildings.
Gilauman nga mahuman ang konstruksyon
sa PRC regional office sa dili pa matapos ang tuig 2020.
