GOV. YU: “GOOD GOVERNANCE”, SUSI SA KALAMPUSAN BATOK INSURGENCY SA PROBINSYA

“But to encounter our enemy, it’s not the strength that can win the war but good governance.”

Mao kini ang subling pamahayag ni Gov. Victor Yu atol sa usa ka kalihukan nga iyang gitambongan kauban si Cong. Divina Grace Yu sa headquarters sa 53^rd Infantry Battalion sa Guipos, Zamboanga del Sur adlawng Lunes.

Miduaw ang duha ka lider sa probinsya atol sa flag raising ceremony sa mga personahe sa 53rdIB aron personal nga ihatag ang mga combat knife alang sa sobra gatos ka mga bag-ong na-promote nga junior officers isip suporta sa nasangpit nga hanay sa militar.

Sa iyang mubong mensahe sa mga kasundalohan sa 53rdIB, iyang gihulagway ang importansya sa panaghiusa sa lalawigan pinaagi sa nahitabo sa kasaysayan sa gobyerno sa Athens ug Sparta diin nagkahiusa kini bisan pa man sa ilahang managlahing prinsipyo sa pagdumala.

Gipasabot ni Gov. Yu nga makuhang leksyon sa maong kasaysayan nga dili lang kusog ang “superior” sa tanan apan lakip na ang edukasyon, kahibalo, maayong pagdumala, ekonomiya ug uban pang prinsipyo.

May kalabot niini, nahisgutan usab sa gobernador nga pahimuslan sa militar ang bentahe sa information and communications technology aron ma-improbar ang serbisyo niini hinungdan nga nakigsabot na ang provincial government sa NTC aron mabutangan ug free wifi ang lalawigan.

Matud pa sa amahan sa lalawigan nga aron masulbad ang suliran sa insurgency, kinahanglan nga makahimo ug kusog nga impact ang pangagamhanan ug mahitabo lamang kini kung dunay close cooperation ug pagtinabangay ang mga ahensya.

Dugang pa ni Gov. Yu nga ang pinakamaayong pamaagi aron mahimong epektibo ang EO70 mao ang lawom nga pagsabot sa mga anaa sa kahimtang sa insurhensiya nganong naingon ana sila ug pagtanyag ug tabang ngadto kanila.

Gihimo kini sa probinsya pinaagi sa paspas ug maampingong pagpatuman sa mga proyekto ug ang pagsigurado nga maabot sa mga kalungsuran ang tanang serbisyo sa gobyerno aron wala nay rason nga magrebelde pa ang mga anaa sa kabukiran.

DEPED REGION 9 MIHATAG KATIN-AWAN SA PAG-SUSPEND SA SCHOOL ACTIVITIES TUNGOD SA COVID-19

Pagadian City (February 18, 2020) - Tungod sa hulga sa pagkuyanap sa Coronavirus Disease (COVID-19), mipagawas ug memorandum ang Department of Education nga nagsuspendi sa mga kalihukan sa mga eskwelahan isip preventive measure batok sa maong sakit.

Sa gipahigayong press briefing sa DepEd Region 9 adlawng Lunes, gihatagan ug katin-awan sa mga representante sa buhatan ang pag-postpone sa mga dagkong aktibidad sa mga tulonghaan.

Sa pamahayag ni Dr. Eugenion B. Penales, Chief CLMD (Curriculum and Learning Management Division), iyang gipatin-aw nga ang kanselasyon sa mga activities sumala sa Deped Order No. 15 Series of 2020 base sa abiso sa Department of Health nga nagdili sa pagpahigayon ug dagkong panagkatigom sa mga estudyante ug magtutudlo nga nagkinahanglan sa travel ug congregation sulod sa bulan sa Pebrero.

Tungod sa maong order, kanselado ang mga kalihukan sama sa National Schools Press Conference ug National Festival of Talents nga ipahigayon unta gikan Pebreo 17 ngadto Pebrero 21 karong tuiga.

Sa local setting, lakip sa mga nakanselar nga panakatigom sa mga rehiyon ang enhancement training for NSPC qualifiers ug ang training for administrative officers sa DepEd.

Gidugang ni Dr. Penales nga nag-agad sila sa advisory ug rekomendasyon sa DOH kon aduna man gali extension ang maong memorandum order.

Mahitungod sa ubang lakang nga gihimo sa DepEd batok sa COVID-19, gibutyag ni Dr. Meriam A. Indin, Medical Officer IV nga nagpahigayon ug localized campaigns ang mga dibisyon ug distrito sa ahensya aron mapahibalo ang mga tulunghaan mahitungod sa mga angay timan-an aron mapugngan ang pagsulod sa maong sakit sa mga tulunghaan sa rehiyon.

Gidugang usab ni Dr. Pedro Melchor Natividad, OIC Assistant Regional Director, nga duna silay close coordination sa central office ug sa mga local health officials mahitungod sa mga updates sa COVID-19.

Giawhag sa mga opisyal sa DepEd Region 9 nga sundon ang mga health advisory gikan sa buhatan sa panglawas sama sa proper hand and respiratory hygiene, safe food practices ug ang pagsuot sa mask kon ugaling dunay respiratory symptoms ang usa ka indibidwal.

PRRD APPOINTS GOV. YU AS NEW RDC CHAIR

Pagadian City (February 12, 2020) - President Rodrigo Roa Duterte appointed Zamboanga del Sur Governor Victor J. Yu as the new chairman of Zamboanga Peninsula Regional Development Council until 2022.

Duterte administered Yu's oath-taking ceremony together with other newly appointed government officials in Malacañang on February 5 .

Regional Development Council is the primary institution that coordinates and sets the direction  of all economic and social development efforts in the region. It is composed of local government officials, regional heads of departments and government offices and representatives from non-governmental organizations within Zamboanga del Sur, Zamboanga del Norte, Zamboanga Sibugay and Zamboanga City.

RDCs provide for administrative decentralization to strengthen the autonomy of local government units in the Zamboanga Peninsula.

In an interview with the Provincial Press Bureau, Gov. Yu expressed his appreciation to PRRD for the trust and confidence he gave him.

The governor said that it is an advantage for Zambosurians since the position will pave a way for his office to know the priority programs and projects of the national government that can be adopted for the province.

However, the new chair assured that all socio-economic initiatives will be fairly distributed to the provinces of Region 9, where RDC is the highest-policy making body that serves as the counterpart of the National Economic Development Authority (NEDA).

ZSPPO WELCOMES NEW POLICE DIRECTOR

February 12, 2020 (Pagadian City) - The Zamboanga del Sur Provincial Police Office welcomes its new head as outgoing director PCOL Redentor L. Retusto relinquishes his duties to PCOL Rhode A. Espero.

In a turn-over ceremony at Camp Abelon, Pagadian City on Tuesday, Espero accepts the challenge of leading the police force of Zamboanga del Sur as Retusto retires from service.

PBGEN Ronaldo L. Llanera, Deputy Regional Director for Administration led the ceremony and was witnessed by 27 chiefs of police from 26 municipalities and one city of the province. Also present during the event were Board Member Juan Regala, chairperson of the Peace and Order Committee of the Provincial Board and stakeholders from various sectors representing the Provincial Advisory Council (PAC).

Espero was previously the police director of Ilocos Norte and the chief of the Regional Logistics and Research Development Division of PRO9.

In his inaugural message, PCOL Espero expressed his profound respect for PCOL Retusto whom he considered as his upperclass and vowed to continue his initiatives as former provincial director of Zamboanga del Sur.

He added that he wants to implement a real "police presence" that is visible to the people and the general public. He asked the support of the entire police force, urging their cooperation in upholding peace and order of the province.

Meanwhile, PCOL Retusto said he was grateful for his stint in the provincial PNP where he led the ranks for 1 year, 7 months and 19 days.

The outgoing director received a Medal ng Kasanayan for his meritorious service to the province of Zamboanga del Sur.

SOMINOT, ZAMBOANGA DEL SUR GI-DEKLARANG DRUG-CLEARED MUNICIPALITY

Zamboanga del Sur (Pebrero 10, 2020) - Sa pagpaningkamot sa Municipal Anti-Drug Abuse Council pinanguluhan ni Mayor Johnriel D. Melo ug sa kapulisan pinanguluhan ni Municipal Police Chief OIC PLT Juanito D. Aballe Jr., malampusong naangkon sa lungsod sa Sominot ang pagkahimong "drug-cleared" municipality adlawng Miyerkules.

Bisan pa man sa makuti nga proseso sa pag-comply sa mga requirements aron madeklarang limpyo na sa illegal nga droga ang 18 niini ka barangay, gipaningkamotan sa mga opisyales sa kabarangayan sa pakigkutay niini sa mga otoridad nga mahimong mabungahon ang ilang kampanya batok sa ginadiling droga.

Ang maong deklarasyon gihimo pinaagi sa Regional Oversight Committee (ROC) nga naglakip sa mga representante sa PDEA (Philippine Drug Enforcement Agency), DILG (Department of Interior and Local Government), PNP (Philippine National Police), ug DOH (Department of Health).

Matud pa sa PDEA RO IX Director nga si Edgar T. Jubay, iyang giila ang pagpaningkamot sa Sominot aron makapadayon sa pag-submit  sa mga gikinahanglan aron maangkon ang maong titulo sa LGU.

Makonsiderar nga usa ka "drug-cleared" ang lungsod kung mapamatud-an nga siyento porsiyento nga wala nay droga sa mga barangay sulod sa maong lungsod ug dunay gi-imposar nga mga stratehiya ang mga local officials sama sa pagpakgang sa pagsulod sa droga ug pagpatuman ug anti-drug awareness programs.

Gipasalamatan ni Mayor Melo ang kooperasyon sa mga lungsoranon ug mga barangay officials kabahin sa adbokasiya niini batok sa illegal nga droga hinungdan nga nakab-ot sa lungsod ang ilang gitinguha nga kalampusan.

P1.8-Bilyon nga proyekto gigahin sa DA alang sa mga mag-uuma ug mangingisda sa Zamboanga del Sur

Nag-apod-apod ug cash assistance ug farm machineries ang Department of Agriculture ngadto sa mga mag-uuma nga apektado sa ubos nga presyo sa humay sa Zamboanga del Sur.

Gikan sa 16,671 nga qualified ka rice farmers, anaa sa 1,500 ka mga mag-uuma ang nakakuha sa cash aid gikan sa Land Bank of the Philippines atol sa launching ceremony sa Rice Farmers Financial Assistance (RFFA) Program nga gipahigayon sa Oval Sports Complex sa Provincial Government Complex adlaw nga Friday.

Mismong si Agriculture Secretary William Dar ang nahimong guest of honor sa maong event. Matud pa sa kalihim nga kabahin ang maong assistance gikan sa national government para sa mga mag-uuma nga apektado sa ubos nga buying price sa humay.

Sigon pa ni Dar nga giawhag ni Presidente Duterte ang tanan nga suportahan siya sa pagpangitag pamaagi aron matabangan ang mga mag-uuma ug mangingisda aron makabaton sila ug abundang ani ug dakong kita.

Dugang pa ni Dar nga ang RFFA program gigahin alang sa mga piniling mag-uuma nga dunay tungag ektarya ngadto sa duha ka ektarya nga yuta sa tanang mga probinsya sa nasud nga miagi na ug assessment nga nagkinahanglan ug tabang gikan sa gobyerno.

Ang mga farm machineries nga giturn-over sa maong kalihukan nagkantidad ug P160M ug tuyo niini ang pagpalig-on sa mga programa ug proyekto nga gi-implementar sa ahensya sa rehiyon.

Ang nasangpit nga mga makinarya mao ang mga mosunod: 4-wheel drive tractors, rice tansplanters, rice reapers, threshers , mechanical dryer, coffee huller, shredder, and mudboats.

Sa samang kalambuan, gipahayag ni Sec. Dar nga naggahin usab ang departamento karong tuiga ug P1.8-Bilyon nga mga proyekto para sa Zamboanga del Sur.

Ang maong mga proyekto naglangkob sa: Rice Farmers Financial Assistance- P83.3-M, farm to market road- P98-M, special project (TRDP) - P550-M, Insurance of farmers and fisherfolks ilalom sa Registry System for Basic Sectors in Agriculture (RSBSA) program –P150-M, establishment of slaughterhouse- P19-M for ZDS lakip na ang capital outlay nga nagkantidad ug P160-M.

Nagpasalamat si Governor Victor J. Yu sa Department of Agriculture sa paghatag ug financial assistance ug farm machineries sa mga mag-uuma ug mangingisda diin sigon pa niya nga 70% sa populasyon sa probinsya ang kadaghanan mag-uuma nga nagkinahanglan ug tabang gikan sa gobyerno.

Malaumon usab ang amahan sa lalawigan nga ang pag-abot sa maong mga kagamitan makadugang sa paglambo sa mga mag-uuma ug pagkamabungahon sa ilang kaumahan.