Proposed Magna Carta for barangays, gipasabot ni USEC Diño sa mga barangay officials

Gipasabot ni DILG Undersecretary Martin Diño ngadto sa mga barangay officials ang gisugyot nga balaodnon nga Magna Carta for barangays atol sa Pasalamat Festival Barangay Day celebration sa Pagadian City Gymnasium adlawng Huwebes. 

Gidayeg ni USEC Diño ang mga opisyales sa barangay nga iyang gitawag ug "first line of defense" ug "most used government official" tungod sa ilang dakong kontribusyon diha sa pagtuman sa mga gimbuhaton nga gisangon kanila sa pangagamhanan. 

Sigon pa niya nga ang mga barangay officials ang nag-una sa pagresponde kon dunay mga panghitabo, sa paghatag ug tabang ug sa pag-alagad sa ilang mga katawhan sa ilang dapit. 

Matud pa sa Undersecretary for Barangay Affairs nga dako ug pagtagad si Presidente Duterte sa mga opisyales sa barangay ug timaan niini kaduha niya gisibog ang eleksyon aron mapahimuslan niini ang ilang termino sa paghuman sa ilang mga proyekto ug programa. 

Ang Senate Bill 391 o Magna Carta for Barangays nga gipasar ni Senator Bong Go naglaraw nga himoong mga regular nga empleyado ang mga opisyales sa barangay gikan sa kapitan, Sangguniang Barangay members, Sangguniang Kabataan chairperson, barangay secretary ug treasurer. 

Gibutyag ni USEC Diño nga sa panahon nga mahimong aprubado na ang maong bill, makabenepisyo na unya ang mga opisyales sa barangay sa mga kaayuhan sama sa fixed salary, insurance, medical ug dental coverage, allowance ug retirement benefits. 

Gisaysay ni Diño nga 24/7 ang trabaho sa mga kapitan aron sa pagsanong sa mga trabaho nga gisugo kanila sama sa pagpakgang sa kriminalidad ug droga, mga health concerns ug ang peace and order situation sa ilang lugar ug panahon na aron hatagan sila ug atensyon. 

Sa iyang pakighinabi sa local media, gipadayag sa kalihim ang mga nag-unang programa nga giasikaso sa iyang opisina sama sa BADAC (barangay anti-drug abuse council) functionality, barangay-based rehab program, lakbay-aral program, anti-criminality, programa kontra terorismo ug insurgency, ug anti-corruption sa barangay level.

Gipahibalo usab ni Diño ang planong pag-establisar ug mga OFW Desks sa 42,000 ka mga barangay sa tibuok Pilipinas aron makatabang sa mga overseas workers. 

Gilaraw usab sa iyang ahensya ang pagtukod ug barangay information and intelligence network aron ma-monitor ang mga lumulupyo sa kabarangayan ug makabuhat ug usa ka database. 

Sa katapusan, gipahinumdoman ni  Diño ang mga kapitan isip persons of authority kon mga chief executives sa ilang barangay diin ang iyang pag-awhag nga himoong mas presentable ug katuhoan ang ilang barug ingon nga mga representante sa gobyerno. 

Pinakaunang Renewable Energy Powerplant Itukod sa Zamboanga del Sur

Zamboanga del Sur (Enero 9, 2020) – Sa pinakaunang higayon, usa ka planta nga mag-supply ug renewable energy ang sugdan na pagtukod sa lalawigan sa Zamboanga del Sur partikular sa lungsod sa Aurora.

Adlawng Miyerkules pormal nga gipahigayon ang groundbreaking ceremony sa 6MegaWatt Biomass Power Plant sa Brgy. Commonwealth, Aurora, Zamboanga del Sur, tinambongan sa mga lideres sa probinsya pinanguluhan ni Governor Victor J. Yu ug Congresswoman Divina Grace Yu kauban sa mga local officials sa lungsod sa Aurora ug mga representante sa Libertad Power and Energy Corporation (LPECO).

Sa iyang speech, gikalipay ni Governor Victor Yu ang pag-abot sa maong proyekto diin iyang giisip kini nga dakog ikatabang alang sa pagpalambo sa energy capacity sa probinsya.

Matud pa ni Gov. Yu nga suportado niya ang tanang renewable forms of energy tungod kay makatabang kini sa pagprotihir sa kinaiyahan ug makatabang sa ekonomiya.

Iyang gisaysay nga ang pagtugot sa mga renewable nga klase sa enerhiya nga mosulod sa mga lokalidad usa ka pamaagi nga mabalanse ang kalambuan sa sektor sa agrikultura ug mga industriya sa Mindanao.

Gipasabot usab ni Engr. Reggie Albano, Project Director, nga dili angay mabalaka ang mga katawhan sa pagtukod sa maong powerplant.

Matud pa niya nga dako kini ug potential tungod kay ang mga fuel nga gamiton aron sa pag-operate sa planta anaa sa lungsod makita.

Kompara sa geothermal, coal ug hydro-electric plants, mas praktikal nga alternative source of energy ang biomass plant diin ang mga pagagamiton nga material gikan sa lamang sa palibot, kini matud pa ni Albano.

Makabenepisyo sa maong proyekto ang mga mag-uuma tungod kay paliton gikan kanila ang mga materyales nga pagagamiton sa planta sama sa bunot sa lubi, uhot ug mga tipaka sa humay kon rice hulls.

Iya usab gipasabot nga dili makadaot sa kinaiyahan ang maong planta tungod kay carbon-neutral kini ug dunay electrostatic precipitator nga maoy mosala sa mga gitawag ug unborn fuel aron dili moadto sa atmosphere.

Gilauman nga mokabat sa 172,000 kg of agricultural waste kada oras ang ma-convert into fuel sa maong planta o 5.6Million kilograms kada bulan kon magpadayon ang production niini, matud pa ni Engr. Albano.

Gidugang usab niya nga ikalipay sa NGCP ang paghidangat sa maong proyekto nga makatabang sa low voltage problem sa probinsya.

Ang maong biomass plant nga gi-finance sa Libertad Power and Energy Corporation gi-expektar nga mahuman sulod sa 20 ka bulan.

Zambosurian grabs 9th spot in Criminologist Licensure Exam

Pagadian City (January 9, 2020) – A young criminology graduate from Zamboanga del Sur emerged as one of the topnotchers of the November 2019 Criminologist Board Exam out of over 19,000 passers, Professional Regulation Commission revealed.

Adrian S. Mandawe landed ninth spot with 89.90% among the top ten passers of which majority are from Mindanao.

Mandawe is a native of Sugbay Uno, Dimataling town, Zamboanga del Sur and a son of a farmer-barangay kagawad and housewife. He is the sixth among seven siblings in the family.

In an interview with the Provincial Press Bureau, Mandawe said his sacrifices really paid off after overcoming sleepless hours for 5 months of reading notes and only attended 15 days of study at a review center.

“As a first-time taker, grabe sakripisyo gyud sir. Kinahanglan mobasa 12 hours a day for the sake of the board exam. Most of the time makadlawnan ug basa, sir,” Mandawe shared.

The 21-year old Zambosurian who finished his studies at the Western Mindanao University- External Studies Unit in Pagadian City took the examination in Cagayan de Oro City.

He admitted that he really aimed of seizing the top spot of the board exam.

“Actually, nag-aim gyud ko mag-top 1, ug thankful ko sa akong naabot karon,” he added.

He also told PPB that he was blessed to be the only sibling of their family to earn a degree and it was his ultimate dream to give a comfortable life for them.

When asked about the secret to his achievement, Mandawe asserted that it all begins in aiming high combined with focus and trust in God.

“Aim high kay walay bayad ang pangandoy. Mag-sakripisyo lang gyud, stay focused, ug likayan ang bisyo nga makadaot sa pagskwela. Ug labaw sa tanan salig sa Ginoo,” Mandawe said.

When asked about his motto in life, the topnotcher quoted these lines: “We never know what tomorrow may bring, sometimes it may bring sorrow and sometimes it may bring success. Only God knows everything”.

SCAA, GIBISITA PAGBALIK NI GOV. YU DALA ANG MGA BENEPISYO PARA KANILA

Zamboanga del Sur (Jan. 3, 2019) –Sa ikaduhang higayon gibisita pagbalik ni Governor Victor J. Yu ug Congw. Divina Grace Yu ang Special Civilian Armed Forces Geographical Unit Active Auxiliary kon SCAA nga nadestino sa bukid sa Midsalip, Zamboanga del Sur sa wala pa motapos ang tuig 2019.

Atol sa ilang pagbisita ila usab gihatod ang mga binipisyo para sa mga Special CAFGU nga dako ang kontribusyon sa pagpatunhay sa kahusay ug kalinaw ilabina sa kabukiran.

Natingob ug dawat sa mga SCAA members ang ilang 6 ka bulan nga allowance nga nibalor sa P39, 000 cash nga gitunol mismo ni Gov. Yu ug Cong. Divina. 

Gipasabot usab sa amahan sa probinsya ang rason nga na-delatar ang paghatag ug allowance ngadto sa mga nasangpit nga CAFGU gumikan kay anaa pa sa transition period ug gipa-aprobahan pa sa kaulohan ang ilang mga documento, apan gipasalig sa governor nga sugod karong tuiga paningkamotan nga mahimo nang updated ang ilang allowance.

Gidugang usab ug pagpasabot ni Governor Yu ang ilang dakong respobsibilidad sa programa sa probinsya aron pagsulbad sa insurhensya ug kumunismo, matod pa ni Gov.Yu, nga kung mabati sa hilit nga kabukiran ang programa ug presensya sa gobyerno, wala nay rason nga mahaylo pa sila sa walhong grupo ug mas mapadali ang paghatod sa mga proyekto ug programa ilabina sa kabukiran

Dako usab ug pasalamat ang mga CAFGU sa mga opisyal kay basin paman sa kalayo sa lugar ug sa kadaghan ug schedule sa gobernador naggahin gihapon sila ug oras para kanila. Isip pasalamat pipila sa mga CAFGU ang midalit ug kanta ngadto kang Gov. Yu ug Congw. Divina Yu.

PAGSAULOG SA NEW YEAR SA PROBINSYA, “GENERALLY PEACEFUL” MATUD PA SA PNP

Zamboanga del Sur (Jan. 3, 2020) - Nahimong hapsay ug malinawon ang pagsaulog ug pagsugat sa Bag-ong Tuig sa lalawigan, matud pa sa Philippine National Police, Zamboanga del Sur Provincial Police Office.

Sigon pa ni Police Colonel Redentor Retusto sa iyang text message, “generally peaceful” ang selebrasyon sa Bag-ong Tuig diin nakatala ug negative kon walay firecracker injuries nga gikataho sa probinsya panahon sa maong kasaulogan.

Dugang pa niya nga ilang gipahugtana ng seguridad sa tibuok lalawigan pinaagi sa pag-deploy ug mga personahe sa mga gitawag ug point of convergence sama sa mga kasimbahanan, transportation terminals, ug mga economic key points.

Apan matud pa sa report sa Department of Health, 2 lamang ka firecracker injuries ang natala sa probinsya gikan atong Pasko ug Bag-ong Tuig.

Strikto usab nga gipatuman sa kapulisan panahon sa holiday season ang pag-inspeksyon ug pagkumpiska sa mga gidili nga firecrackers pinasikad sa Executive Order No. 28 nga nag-ban sa paggamit ug pabuto aron mapanalipdan ang katawhan.

Gipasalamatan ni Retusto ang kooperasyon sa mga stakeholders ug mga katawhan nga maoy nahimong yawe sa malampuson ug malinawon nga kasaulogan sa Kapaskuhan ug sa Bag-ong Tuig.